Edición xeral
Entre o “nacionalismo de salón” e o “pragmatismo”
O Bloque celebrou a cita asemblearia máis tranquila da súa historia, marcada pola ausencia dos críticos e a unanimidade dos presentes.
Ninguén pode negar que a Asemblea Nacional extraordinaria que celebrou este domingo o BNG é a representación nidia dun cambio de ciclo. E é que dous anos poden ser unha eternidade. Lonxe parece quedar aquel outono de 2006 onde, nun plenario taquicárdico, a militancia da organización frontista decidía aparcar un dos seus principais sinais de identidade: o asemblearismo. Sen dúbida, Quintana, o líder emerxente que viña de chegar á vicepresidencia da Xunta, enfrontouse naquela ocasión a unha das batallas máis duras e agres da súa vida política. Os sectores críticos (Encontro Irmandiño, A Alternativa e Movemento pola Base) apostaron duro e lograron case o 38% dos votos da militancia. Porén, co apoio da hexemónica UPG, Quintana obtivo unha carta verde para gobernar con certa autonomía a organización.
Vintetrés meses despois a militancia do Bloque volvía reunirse no mesmo escenario, aínda que calquera parecido entre as dúas citas era pura coincidencia. No Pazo de Congresos de Compostela non houbo nervios, nin carreiras polos corredores, nin negociacións de última hora. Todos e cada un dos 1.500 delegados chegados dende todas as comarcas do país, sabían que a marxe para a sorpresa era mínima. A dialéctica política ficara acoutada semanas antes nas asembleas comarcais e nos órganos de dirección.
Porén, quizais por ver se había algunha discordancia, os xornalistas estiveron especialmente atentos aos discursos abertos ao público: o de Francisco Jorquera e as dúas intervencións de Quintana. Calquera que se achegase até o recinto de San Lázaro este domingo vería que, dentro da unidade, semella haber dous bloques graníticos cada vez máis equilibrados: a UPG e o denominado “quinigá”. Haberá que comprobar nos vindeiros meses en que desemboca a decisión dos sectores críticos de non acudir á asemblea. No estrado permanecían sentados os membros do Consello e da Executiva Nacional. E aínda que non aparecía ningunha cadeira baleira, era evidente a ausencia de protagonistas da última asemblea como Beiras, Camilo Nogueira (si estaba Charo Fernández Vello) ou Fermín Paz.
Quintana mostra as súas cartas
Quintana non se achicou nas súas intervencións e quixo marcar o seu propio terreo. A súa idea xirou basicamente na necesidade de abrir máis o BNG cara unha “gran maioría galeguista”. O líder do Bloque cre que é posíbel converter a organización no “Partido Galeguista do século XXI”. A súa mensaxe é diáfana: cun maior aperturismo ideolóxico o BNG pode superar os 18 deputados conseguidos en 1997 (a plusmarca dos nacionalistas nunhas eleccións ao Parlamento de Galiza). Para Quintana, as municipais do ano pasado e as últimas españolas indican que o Bloque está a cambiar a curva descendente que se principiou a albiscar en 2001.
Na primeira intervención, o de Allariz deixou algunha frase en clave interna: “Os nosos adversarios querían ver un nacionalismo de salón. O que lles preocupa é o que practica o BNG”. Nunha defensa aberta do pragmatismo político e das accións do Goberno chegou a asegurar que “incluso lles molesta vernos coa xente divertirse” (en referencia ás festas dos maiores).
Entre o “sentidiño” e o “poder popular”
Nunha asemblea na que destacou a falta de diverxencias visíbeis, os aplausos nos discursos foron un bo xeito de medir o “feeling” entre sectores. O chamado “quinigá” aplaudiu sen dúbida con ben máis intensidade os discursos do líder que a UPG. Mentres Quintana, repetía até en seis ocasións a importancia da palabra “sentidiño” no seu último discurso, moitos cadros da principal formación do Bloque reservaron forzas para diferenciarse e entoar ao final o “Galiza ceive, poder popular”.
Sexa como for, a Asemblea Nacional extraordinaria pechouse sen estridencias. Ao remate da mesma, antes de coller os coches cara todas as estremas do país, os militantes máis veteranos recoñecían non lembrar unha cita con tan poucos sobresaltos. Había quen facía cábalas sobre os únicos 38 votos negativos que recibiu a candidatura de Quintana. O Bloque despídese de asembleas até o vindeiro ano, cando logo das eleccións ao Parlamento toque outra volta Asemblea Nacional ordinaria.
Anteriores:
Comentarios (78)
Non se trata tanto de ver quen é máis nacionalista, ou quen é máis pragmático. Deberiamos abordar a crise de identificación da cidadanía nacionalista co proxecto BNG. Se en postos dirixentes nos que deben estar os máis capaces deste país hai persoas como Carme Adan, Olaia Davila, Jorquera, Anxela Bugallo etc. nunca deixaremos de ser un país mediocre. E así é imposible avanzar e competir como nación no mundo. Dubido moito que coa mediocridade existente hoxendía no BNG (hai honrosas excepcións) se poida acadar a soberanía nacional. En calquera caso, sería un país sen futuro.
Onde está as mellores cabezas nacionalistas pensantes e actuantes deste país? Por que non están no BNG? Ou doutro xeito. Por que na dirección do BNG e nos carregos políticos hai persoas que nunca até o de agora se ten caracterizado por emprender proxectos de transcendencia, por unha formación técnica de referencia ou por unha traxectoria exitosa na competitiva e dificultosa vida externa á política?. En fin, penso que este é o debate que debe abrir o nacionalismo. Non o de salón. O que é soberanista e quere aspirar a construir un Estado serio e competitivo sobre a base dunha nación milenaria.
Por qué Paco Rodríguez sae nas fotos con cara de pena? Por certo alpabarda, cales son esas excepcións á mediocridade. Di Quintana que vai sacar máis de 18 diputados, se saca 15 pode botar un foguete.
o bloque non pode estar vivindo do pasado, aí leva razón o quin, menos nacionalismo de café e máis traballar. é máis país facer galescolas, residencias de vellos ou sacar adiante un plano eolico ca andar esbardallando de autodeterminacións e independencias en restaurantes caros. animo quin que o barco leva boa dirección. Aquí gobérnase para a xente e eso é o qeu conta,
merexonon. Semella que Suarez Canal ou Tareixa Taboas son traballadores e relativamente capaces xa que abordan obxetivos complexos con certo éxito.
Vronico, o que sobra é nacionalismo de café (ou mellor dito nacionalismo de mojito).
Os "adversarios" saben ben o que queren: http://www.galicia-hoxe...
Quintana non é un intelectual, pero esa suposta carencia súplea cun gran traballo, cunha enorme dedicación e cunha intelixencia natural fóra do común. O seu discurso pode resultar repetitivo, pero el non fala para a "parroquia nacionalista": fala para o conxunto do país cunha linguaxe clariña e didáctica. O seu obxectivo non é convencer aos xa convencidos, senón gañar apoios, acadar credibilidade política entre os cidadáns. O seu non é un discurso de consumo interno, de simple reconfortamento para os nacionalistas pero incompresible para os galegos do común, como pasaba con Beiras. Ten un proxecto pragmático, críble e eficaz. Eu teño moi claro que o nacionalismo ou é con Quin ou non será. Está nas antípodas do nacionalismo de grandes palabras pero resultados inexistentes. O seu é o nacionalismo galego do futuro, guste ou non guste.
quin merece mais. paréceme o lider politico máis serio do país e coido que algun dia el gobernará este país. gran asemeblea
pucelano, boa retranca...
#12
Não passa de uma confissão de um espanholista/galício.
Fica-te bem galeguizar algumas palavras mas as tuas ideias são do pior que o colonialismo espanhol representa na Galiza.
Este Español64 pareceme un pouco portugues.
A Galiza é reconhecida como Nação IRMÃ e estimada em Portugal.
Anxo Quintana e o Presidente da Republica de Portugal Cavaco Silva
http://br.youtube.com/watch?v=...
Quando será que o Estado espanhol deixa os galegos participarem nos jogos da lusofonia?
Veja o exemplo da China: http://br.youtube...
# 14 Atlantico
Ou és Galício/espanholista ou tens os olhos fechados!
Mais tarde ou mais cedo teremos o nosso idioma nativo bem escrito:
http://br.youtube...
http://br.youtube...
http://br.youtube...
http://br.youtube...
http://br.youtube...
http://br.youtube...
iste nom lhe chega as solas dos zapatos a beiras
non estou moi seguro si o quintanismo é un camiño deseñado polos topógrafos da política examinando de forma minuciosa o chan electoral si é un carreiro de eses que van facendo raposos ou xabaríns e que se fan sendeiros a por de transitalos, que teño certas sensacións de
... decia que teño certas sensacións de que é máis o segundo caso que o primeiro.
boto de menos, pois, unha elaboración táctica máis asentada na realidade e na ideoloxía e menos nas tarefas de goberno, pois intúo que o partido ( ou partidos ) está a quedarse orfo de ideas e vamos a remolque de esas institucións que para nada pertenecen á militancia se non o común da sociedade.
non é esto óbvice para que neste momento concreto sea bo o desempeño de quintana e a xente que está a facer " país dende o governo ", pero boto en falla un laboratorio de ideas, uns ludolfos paramios, uns gregorios peces barba, uns alfonsos guerras ou mesmo uns javier praderas, que aseguren e apuntalen un discurso intelectual e ideolóxico que traspase o actual marco pois, sí como é sabido pola máxima de newton, todo o que sube baixará , a caída do aparato benegá dende as alturas da vicepresidencia ( un presidencia, quén sabe ? ) quintanista será dura cando se produza.
¿Aproximación a xente?.....dí alguén.Non se aproximou nin tan sequera a moitos do seu partido,os que rexeitou,e ademais se rodeou de acólitos,de xentes que lle din amén e o aplauden,sen facer crítica honesta.E o que el quere oir.
De todos xeitos....¡Enhoraboa Sr.Quintana!.
Estou de acordo para que se abra un debate sobor do Nacionalismo.Eu fun,e son Nacionalista,a moita honra,e o meu corazón Nacionalista,sufriu moito,moitísimo....polo que está a acotecer no BNG na actualidade.
Tal vez en galicia deberamos ter un partido á dereita do bloque e, sobre todo, un á súa esquerda, por non falar de profundidades, e tal vez esteamos no camiño (tristemente non hai loita final que nos permita ir ao sofá). O discurso da fpg, por exemplo, a min resúltame infumable e o mesmo eu aplaude a mans desangradas o traballo exemplar que están facendo en cangas cun rotundo par. Desexaría algo así a nivel galicien.
Pode ser que o mesmo Beiras o tivera na man hai catro anos, pois é seguro que él á cabeza conseguía representación. Agora está máis fodido a curto prazo, por desgraza.
Sen ánimo de ofender, penso que o camiño iniciado polo partido comunista patriótico e o quintanismo é correto.
Unha vez renunciado ao proxecto de converter-se en partido "hexemónico" na Galiza (as contas non saen... durante varios anos), só fica unha solución: parapetar-se detrás do PSOE e agardar a que haxa consellerías a repartir no vindeiro governo de Progreso.
Ou sexa, hai pouco que repartir (cecáis algo menos nun futuro próximo) e ese pouco será apañado polos máis nosos do BNG, nomeadamente a UPG e o aparello quintanista.
Claro que unha vez chegados aquí, cumpriría erguer un monumento a Camilo Nogueira dado que foi quen, hai ben anos, de diseñar a política nacionalista que agora executa a UPG...
E Quintana dirá o que lle pete, que quere ser Presidente dun País que fale de igual a igual con outros Presis de outros países. Vale. Pero mentres tanto, Quintana bendice o disparate da Cidade da Cultura que, até onde sei, está xestionada e ideada tal como é hoxe polo BNG. E iso é unha hipoteca tan enorme para un país sen Presi de Nazón que non chega a tres millóns de habitantes.
Abondaría con que fose Vice-Presi de aquí con algo de sentidiño.
Viva a democracia! 2 votos en contra. Supoño que serían por erro...
Que siga Quin coa súa inestimable labor: a destrucción da base electoral que tiña o BNG nas cidades (Vigo, Ferrol, Pontevedra) e nas vilas industriais (Fene, As Pontes) e o intento de converterse no novo cacique de Ourense e a Pontevedra rural, agora que Fraga e Cuiña pasaron a mellor vida... Patético. E o peor de todo é que o máis probable e que se estrelle.
Están facendo un castelo de papel. Fan un congreso ó que non van(a grandes rasgos) nin os intelectuais (Beiras), nin os traballadores (Movemento Pola Base). E fora diso non hai nada no nacionalismo galego. Pouco tardaremos en comprobalo.
A#9:
"...Está nas antípodas do nacionalismo de grandes palabras pero resultados inexistentes. O seu é o nacionalismo galego do futuro, guste ou non guste..."
Oxalá tenhas razom, mas nom esqueçamos que Beiras conseguiu 18 deputados e ser segunda força política (em votos durante 8 anos).
Muitos filiados nom puidemos assistir a esta assembleia: já veremos que consequências tem isto para o futuro. Já veremos se isto serve para motivar-nos ou mais bem para tudo o contrário!
Já veremos se dificultar o debate interno é bom para o futuro... Veremos se o BNG nom se acaba convertindo num PPSOE.
Oxalá o BNG se convirta máis cedo que tarde na casa común de tódolos nacionalistas galegos de esquerdas e de dereitas, con amplitude de miras e aposta de futuro polo país. O que estamos a ver é un BNG collido por cadros de manifestamente mellorable formación intelectual, cunha ideoloxía orientada á esquerda en demasía para atraer ao voto centrista dos simpatizantes da antiga Coalición Galega -agora votantes do PP- e ben lonxe daqueles galeguistas como eran Bóveda, Alonso Ríos, Castelao, etc. No BNG deberían figurar máis profesionais con traxectoria contrastada e de prestixio e menos funcionarios do aparato do partido sen experiencia profesional algunha, que hai moitos, especialmente os funcionarios que non coñecen o que é a vida real da xente do común.
Xa escribín en outro xornal que o BNG está a se dirixir cara a dereita.
O que agora quere son votos a costa de todo e poder volver a Bigobernar? e colocar aos seus.
Neste intre os militantes son pura "imaxe virtual" pois están ledos coa Vicepresidencia e acatan "maiorias forzadas" por quen ten o PODER no BNG.
Seña esta acaso, a mellor forma de chegar a Gobernar con un Presidente Nacionalista, máis non de ESQUERDAS.
Agora vale o voto veña este de onde veña.Cando non haxa Goberno ou Bigoberno, xa veremos que pasa coa Imaxe virtual dos militantes.
É o que ten a Galiza que é facil de que troque de idea, cando non hai "base política" e sí "Base Virtual", que apoia o que non hai moito sería inceptabel .Seguirei a ser un Utópico, é o que me queda, que non é pouco.
O berro de Galiza Ceive Poder Popular? a quen vai dirixido? aos que estabades alí, ou para o Pais enteiro?, si é así non acredito na política do BNG.
¡Enhoraboa! ós do MPB,ós Irmandiños de Beiras,ós de Camilo Nogueira,e outros.......¡Chapeau!na vosa postura,moi ben.Sodes consecuentes e honestos coas vosas ideas.Os que construiron "este tinglado",deberan ollar para todos vos...e pensar un pouquiño.....na AUTENTICIDADE que demostráchedes.¡CHAPEAU!.
O mellor estou trabucado, nembargantes o que vou dicir tamén o plantexou o Partido Galeguista como OBXETIVO ESTRATEXICO. O Partido Galeguista pretendía a transformación de Galiza. Non acadar o poder. E o puxo en práctica. Quería facer de Galiza unha potencia no mundo agrario, e estar na vanguarda da investigación agraria con sementes (Cruz Gallástegui e a Misión Biolóxica de Galicia). Se pretendía tamén unha revolución no sistema impositivo (Bóveda). A criación dun Banco Nacional que dera crédito a empresas punteiras (en Cataluña ERC criou un fondo de capital para apostar por ideas empresariais. E non me digades que aquí está o IGAPE porque non fai nada diso). Onde están os obxetivos estratéxicos do BNG para construir unha nación punteira?. Os obxetivos do BNG son seguir sendo segundons nun paìs mediocre. Eis o que penso.
E o globo incha, incha e incha... con discursos. Logo viran os votos de sustitución para ocupar o lugar do aire que se insufla. E incha, incha, incha,... ata que estoupa nos fuciños do soprador.
Daquela haberá que comezar outra vez de 0 ou -0.
Catastrofista? Non, somente unha visión realista do que pasará cando se desenchufe o aparato e desapareza o mundo virtual que dá o "poder".
.
Quintana representa por fin un nacionalismo pragmático. Podemos cambiar cousas a cambio de ceder en parte dos principios. A liña xeral non cambia nin cambiará nunca, traballo a prol de GZ, para que GZ exista como nación no mundo e os galegos sexamos respectados alá onde vaiamos. O purismo e o nacionalismo intelectual está lonxe da xente, e así sempre seremos oposición, nunca cambiaríamos nada, transmitiríamos o noso xeito de ver as cousas aos nosos fillos e xa está.
Forza QUIN, viva a nación galega!!!
.
Onte puiden ver no telexornal do mediodía da TVG a nova da Asemblea Nacional do BNG. Quixera aproveitar este foro para denunciar a FALLA DE PROFISIONALIDADE, INFORMACIÓN TENDENCIOSA e a INSTRUMENTALIZACIÓN que fai o PSOE dese medio público. Foi auténtico abafamento o que sentín como cidadán galego. VAIA MAFIA.
Coido que este tema (o da TVG) é unha das eivas na magnífica xestión do BNG no goberno galego. Por favor, que alguén faga algo!!!!
DUMIENSE
O que ti comentas é o que se está a criticar constantemente por ser palabras valeiras de contido:
Traballo a prol de GZ.- Qué traballo? Qué obxetivos estratéxicos concretos se pretende acadar. En qué prazos?
GZ exista como nación no mundo.- Kosovo tamén existe como nación no mundo. Non só podemos limitarnos a ser nación no mundo sin capacidad de competir. Nese caso nos convertiriamos en breve nunha especie de satélite de aquéles países dos que teriamos que depender. Galiza ten que dar cousas ó mundo: Capacidades, aptitudes, que sin duda temos.
Sexamos respectados alá onde vaiamos.- Non nos debe interesar especialmente. Ademáis, os países punteiros son xeralmente odiados (Cataluña, Franza, etc.)
En fin, penso que con argumentos tan valeiros de contido non imos a ningures
Xa que o debate está a lume de viqueira, eu que son do común, vouno a tomar;de momento; cunha pinguiña de humor e con moita retranca galega. Máis ou menos así é como vería un paisano galego deses que os políticos adoitan a amosar como pailáns. Vai do dereito e tamén do revés:
OS POLÍTICOS
No noso partido político cumprimos co que prometemos.
Só os imbéciles poden crer que
non loitaremos contra a corrupción.
Porque se hai algo seguro para nós é que
a honestidade e a transparencia son fundamentais
para alcanzar os nosos ideais.
Demostraremos que é unha gran estupidez crer que
as mafias seguirán formando parte do goberno
como noutros tempos.
Aseguramos sen lugar a dúbida que
a xustiza social será o fin principal do noso mandato.
Pese a iso, aínda hai xente estúpida que pensa que
se poida seguir gobernando coas artimañas da vella política.
Cando asumamos o poder, faremos o imposibel para que
rematen as situacións privilexiadas e o tráfico de influencias.
Non permitiremos de ningún xeito que
os nosos nenos teñan unha formación insuficiente.
Cumpriremos os nosos propósitos aínda que
os recursos económicos xa se haxan esgotado.
Exerceremos o poder até que
comprendan dende agora que
Somos a "nova política"
Somos a “nova política”
Comprendan dende agora que
exerceremos o poder até que
os recursos económicos xa se haxan esgotado.
Cumpriremos os nosos propósitos aínda que
os nosos nenos teñan unha formación insuficiente.
Non permitiremos de ningún xeito que
rematen as situacións privilexiadas e o tráfico de influencias.
Cando asumamos o poder, faremos o imposibel para que
se poida seguir gobernando coas artimañas da vella política.
Pese a iso, aínda hai xente estúpida que pensa que
a xustiza social será o fin principal do noso mandato.
Aseguramos sen lugar a dúbida que
como noutros tempos,
as mafias seguirán formando parte do goberno
Demostraremos que é unha gran estupidez crer que
para alcanzar os nosos ideais,
a honestidade e a transparencia son fundamentais.
Porque se hai algo seguro para nós é que
non loitaremos contra a corrupción.
Só os imbéciles poden crer que
no noso partido político cumprimos co que prometemos.
OS POLÍTICOS
Que metan esa estrela asasina polo cu
Agardamos todos os galegos e galegas nacionalistas nos vindeiros anos un partido asamblearista e de esquerdas, o bng frustrou todas as miñas esperanzas. Xuntémonos todos e todas nacionalistas de esquerdas e levemos este país da cidade o rural, con asambleas en todalas aldeas, COÑO!!!!
Nunca pensei isto do BNG, quedan esperanzas no encontro irmandiño.
Para #32:
E logo de onde deduces ti que o PG non quería acadar o poder? E logo para que se presentaba ás eleccións, tiña un programa, etc.? Para que propuña un Estatuto: para que gobernaen outros? Dinos, entón, como se pode pretender a transformación de Galiza sen acadar o poder?
E o de que "os obxetivos do BNG son seguir sendo segundons nun paìs mediocre" é unha absurda conclusión túa carente de todo fundamento.
Deberías ler máis libros de historia e documentos históricos, ademais dos programas do BNG. Ser ignorante e nacionalista deberían ser termos contraditorios. No teu caso non é así. Mágoa.
E logo por que dis esa burrada? Fai o favor de explicarte.
É alucinante como se pode terxiversar a realidade e a historia recente do nacionalismo desde o discurso político instalado no BNG actual.
Ou sexa que antes da "era Quin" faciamos os militantes do BNG "nacionalismo de salón"?
O del e o de moitos que se suben hoxe ao seu carro que é, senón basicamente "de moqueta"?
Ou sexa que non estabamos "coa xente" antes? Non estabamos en tanta mobilización contra as agresións ao país, á lingua, contra Reganosa, contra Sogama, contra o despilfarro de diñeiro público en publicidade, polo ensino público, etc.??? Estamos agora porque hai un grupiño de empresarios e un par de medios de comunicación que nos chiscan o ollo, a medida que botamos pola borda ideoloxías e praxes en que nos temos deixado a pel durante épocas máis duras?
Agora o BNG quere ser como o PG, disque, o Pg do século XXI. Mais cal PG? O que por non mollarse no eixo dereita/esquerda levou un batacazo nas eleccións de 1933 ou o que apostou por ser esquerda e se sumou á Frente Popular no 36?
Domestícate home, xa verás que ben vives, díxolle o can ao lobo e o lobo respostou: non che nacín pra can (Castelao)
O BNG de Quin ten vocación de can.
Unha asemblea como a de onte é vergoñenta e triste para unha organización: non se é quen de integrar e implicar a todos os que xa están afiliados a ela, non asisten nin sequera os 1600 delegados con dereito a voto, pero véndese a moto de que se van colleitar os mellores resultados do mundo mundial...
Un sistema de "delegación" que dá porcentaxes de si bwana do 99'5%, que "representa" realmente? Que fica dunha frente plural e articulada por sensibilidades con este método?
Fai falta xa un contrapeso nacionalista de esquerdas organizado a esta deriva.
O meu apoio o teu comentario, foradexogo, é verdade que os delegados cun "si bwana" non representan o nacionalismo de esquerdas do partido mal chamado "PG do século XXI" .Dende logo que nunha asamblea que está manipulada polos responsables locais da organización aos militantes, e estes reponsables están a vez manipulados polos cabezas insconscientes da UPG, non semellan para nada ao Galeguismo ao que queren facer referencia, o Galeguismo do PG donde existía sentimentalismo e libre participación dos Galeguistas, o Galeguismo que ensinaba a ser galego nos feitos non nos ditos como o actual BNG. Sigo tendo a esperanza de que nun tempo apareza o verdadeiro partido nacionalista de esquerdas neste país. Volvo a repetir: "quedan esperanzas no encontro irmandiño".
O BNG non é u partido e unha fronte. Acabar coas sensibilidades e acabar co BNG.
Este BNG sustitue o traballo dos afiliados pola propaganda institucional, algún día haberá que deixar os despachos, e entón non haberá militancia.
É triste asistir a unha asemblea do BNG, a maior parte dos militantes por riba dos 45 e 50 anos, iso non é malo, pero o que acontece e que non hai relevo.
Quintana por bos resultados que saque nas eleccions non xustifican este xeito de levar ao nacionalismo.
Resúltame descorazonador estes comentarios terribeis de pérdida da "esencia" esquerdistas que parece que algúns teñen, ,e da que os demmáis carecemos. Descalifícase aos mlitantes do Bng de mediocres na figura do seus representantes e se aplaude aos militantes con "esencia" porque non foron á Asemblea ordinaria, onde se ratificaba a Quintana.¨Quintana foi nomeado por Beiras e representa ao Bng do século XXI, ganoulle posteriormente nunha Asemblea Nacional. Tanto os membros do Consello Nacional como os da Executiva eran membros natos da Asemblea Extraordinaria, e por eso falo de descorazonador porque evidencia o boicot ao nacionalismo neste momento importante da súa historia.A base pola altura, (ai perdón )MpB, son membros importantes do sindicalismo e non son a base precisamente. Necesitamos conciencia nacional, é decir conciencia de nós. Cando convén, é evidente. Son os marxistas da Upg os malos e agora en cambeo é a dereita galeguista a que quere instalarse. Ogalla, diría eu se así fose, pero non hai. Non somos nin por asomo Euskadi ou cataluña. Sempre en Galiza.
SE QUERES ABRIRTE Á SOCIEDADE DEBES SABER CON QUEN. CANTOS MILITANTES TEN O BNG???? CANTO VOTO NACIONALISTA HAI???? A QUEN DEBEMOS ACHEGARNOS????? CON QUE ESTÁS PARA INTENTALO?????????????????????????????????? TI VERÁS.
Para #40
"O Galeguismo na Encrucillada Republicana" é a obra máis erudita no país sobor do Partido Galeguista. E unha tese doutoral de Xavier Casto que mereceu sobresainte cum laude e ademáis obtivo a mención de honra no Premio Otero Pedraio. Foi editado, curiosamente pola Deputación de Ourense. Son dous tomos de 987 páxinas en total con numerosa documentación tanto gráfica e documental. Recoméndoche a súa leitura. Xavier Castro, que algo máis ca ti e ca min debe saber do Partido Galeguista, fai explicitamente a reflexión que ti acusas de ignorante e amosa o contrasentido indicando que o PG necesitaría obligatoriamente acadar o poder para a transformación pero que aparentemente o poder non era un obxetivo da organización. Non acuses tan rápidamente de cousas que non sabes. Vexo que non coñeces o Partido Galeguista, nin o seu ideario, nin moitas cousas máis. Efectivamente, ser ignorante e nacionalista debería ser contradictorio. Non podo estar máis dacordo.
Os espanholistas/galícios estão bem organizados para valorar negativamente tudo o que possa ajudar os galegos a tomarem consciência do crime de colonização de que estão sendo vítimas.
Até quando algum espanholista diz algo que possa prejudicar o espanholismo,logo aparece outro espanholista a desviar a atenção atribuindo os comentários a terceiros. Vivemos numa orquesta espanhola.
Pela Autodeterminação da Galiza.
Para #48:
Coñezo ben ese libro de Xavier Castro. Pero sabes unha cousa? Ademais de telo hai que lelo e entendelo, cousas que dubido que ti fixeras.
Por iso rétote a que digas onde (a páxina concreta) o seu autor sostén que o PG non quería acadar o poder, que foi o que ti afirmaches. E se non o fas considérate un bardallas.
Os isolatas dizem que o galego teve um desenvolvimento separado do Galego/português durante os séculos escuros de fins de XV a fins de VIII.
Mas pode-se chamar desenvolvimento a:
- Um idioma proibido na Galiza nesse periodo?
- Idioma que deixou de ser escrito?
- Idioma falado só em casa e no mundo rural?
-Idioma que se transmitiu de pessoa a pessoa e de pais para filhos de OUVIDO com todas as deturpações daí resultantes?
- Os galegos obrigados a "hablar" castelhano em vez de falar o seu idioma nativo original da Galiza?.
O que a RAG está a fazer é tentar apagar a nossa cultura original e substituí-la pela castelhana através do dialecto artificial “portunhol”.
Com humor: http://br.youtube.com/watch?v=...
http://br.youtube...
http://br.youtube...
http://br.youtube...
http://br.youtube...
"51 Foi escrito por engano "séculos escuros de fins de XV a fins de VIII."
Deve ler-se :séculos escuros de fins de XVI a fins de XVIII.
Escribía a semana pasada para dicir que me parece que na actúal dirección do BNG e en moitos dos seus partidarios existe a "rara" crenza de que cando un repite moito un argumento, este pasa , polo simple feito da repetición a convertirse nun axioma. Esta semana volvo a constatar que seguimos co mesmo.
A ver, resulta que sobra "nacionalismo de salón ou ideoloxista" e fai falta conectar coa xente. Deduzo destes comentarios que o BNG "pre-Quin" era logo ideoloxista e non conectaba coa xente, mesmo os seus líderes anteriores, "incompresible para os galegos do común, como pasaba con Beiras", eran incapaces de conectar coa xente e non sei que máis.
Agora ben eses mesmos non explican cales son os seus argumentos porque se falamos de feitos constatables eu non vexo base ningunha para semellante discurso. O "anterior BNG" ( o dos mojitos e cafés) foi segunda forza política deste país, tivo 18 deputados no parlamento galego, gobernou en 3 das 7 cidades... . O suposto BNG "que conecta coa xente" ten 13 deputados, goberna nunha cidade ( e segundo todas as enquisas por pouco tempo), é a terceira forza política do país e a bastante distancia das demais. Xa vexo eu que conecta coa xente, por iso ten menos votos, menos representación, etc. Dá a vida que ao Quin si que o entenden porque se non o chegan a entender igual estabamos falando de 3 deputados ou algo así.
Podemos falar moito de "resultados históricos", "eleccións históricas" e cousas polo estilo pero a realidade, terca ela, amosa que o BNG nin sequera é capaz de recuperar os votos que tivo; ainda máis segundo as enquisas parece que non vai pasar dos 15 deputados e iso contando co "bigoberno".
Manda carallo os dos mojitos e os cafés parece que tiñan máis partidarios entre a cidadanía galega que "os que falan coa xente e se entenden con ela". Debe ser que os galegos somos partidarios dos cafés e os mojitos.
Cansa repetir unha e outra vez que os resultados dos 18 deputados en 1997 foron froito dunha conxuntura especial e irrepetible: o BNG tirou proveito da debacle do PSOE e arrecadou votos que antes foran aos socialistas ademais de a EU. E a eses sufraxios tamén se lle sumaron os dos diversos grupos que se integraron no BNG.
Contra Fraga, o BNG era o voto útil da esquerda e do nacionalismo en Galiza. Pero xa no 2001, cun PSOE á alza, o BNG con Beiras á cabeza perdeu xa un deputado, e tamén perdeu alcaldías. Foi aquel, polo tanto, un éxito efémero que non se puido ou non se soubo consolidar.
Por outra banda, os resultados de 2005 tiveron moito que ver tanto coa recuperación electoral do PSOE como a crise interna vivida polo BNG. E a responsabilidade da baixada a 13 deputados debe ser repartida entre todos, Beiras incluído.
O dos mojitos e os cafés deixémolos fóra porque son simple demagoxia. Podía retrucárselle co das vieiras de Beiras, mais non paga a pena.
Amigo Opinador: Primeiro debo dicir que o dos cafés e o dos mojitos non é cousa miña senón daqueles comentarios e comentaristas que tildan aos disconformes co actual BNG de "ideoloxistas" e "nacionalistas de café".
Despois non estou de acordo coa túa explicación. O Bng tirou no 97 de votos do PSOE e de EU?. Pois probablemente; o BNG consequiu que cidadáns que antes votaban a eses partidos votasen nacionalismo pero conqueriuno coas súas propostas e o traballo dos seus militantes. Convén recordar que os votos non pertencen a ninguén, os cidadáns deciden en cada elección votar pola opción política que consideran mellor. Quero dicir que non se trata de sumar e restar simplesmente, trátase de que un proxecto político logra convencer aos cidadáns para que o voten. Se aceptamos unha análise como a túa estariamos aceptando logo que os partidos non gañan votantes polos seus méritos senón só a conta das desgracias dos demais. O BNG durante eses anos monopolizou a alternativa de esquerdas en Galiza? Si, pero non foi a causa dos desastres alleos ( que influiron) senón que foi grazas ao traballo da súa militancia en moitísimos ámbitos da sociedade galega. Podemos pór exemplos varios: o sindicalismo nacionalista tivo un grande avanzo, o nacionalismo tivo unha participación en todos os movementos sociais (veciñais, estudiantís, ecoloxistas...) e en resume o nacionalismo foi o gran impulsor de case todas as protestas contra os gobernos do PP. Se ollamos hoxe o panorama atopamos outra situación: o BNG abandoou esta forma de relación coa sociedade e cos movementos que a conforman, o movemento estudantil está totalmente morto, os movementos xuvenís o mesmo, a participación en asociacións veciñais é case nula, o movemento ecoloxista existe pero non só sen a participación do BNG senón que tamén enfrontado a el ( Galiza non se vende, Reganosa, SOS Courel) e podería seguir ainda.
O problema do BNG é que cambiou o seu modo de interaccionar coa sociedade, e mudouno cara o que parece quere ser un modelo semellante ao do PP ou PSOE. Isto é, cambiouno a un modelo que pretende vivir dos medios de comunicación e da acción do goberno como case que única vía para a interacción social. Claro que o problema resulta evidente, o nacionalismo non conta con medios de comunicación afíns máis aló da rede. Poderiamos dicir que o BNG tenta competir cos adversarios coas reglas destes, co campo destes e coas armas destes e normalmente iso non soe funcionar.
As valoracións electorais do BNG ultimamente son case que alucinantes e sempre se busca o lado positivo dunhas perdas de votos que nos colocan á altura de 1993. Case sempre son victorias ( parciais pero victorias) para a dirección nacionalista. Creo que conven recordar a Pirro para que ao BNG non lle suceda o mesmo, ir de victoria en victoria ata a derrota final.
A resposta a este debate tralas vindeiras eleccións. Cun PSOE á baixa por mor da crise e os conselleiros do BNG moito mellor valorados, veremos os resultados de Quintana. El vaticina que serán os mellores da historia. A resposta en poucos meses
PARA #50
Recollo a luba e resposto. Páxina 165 do tomo I do libro que tí dis coñecer. Transcribo literalmente e, se o precisas, envíoche unha copia:
Pero decíamos que o PG era atípico ademáis de polas súas características e actuacións, polos seus obxetivos. Os obxetivos do PG son dous e están en íntima relación: segundo Boveda eran esperata-la conciencia nacional do pobo, e erixi-la arquitectura da nación galega sobre os pilares da tradición. Para Miguel Artola o partido político ten como obxetivo propio e exclusivo a conquista do poder. Isto pode ser válido para un partido estatal pero non para un nacionalista. O PG NEGA EN MAIS DUNHA OCASIÓN QUERER CONQUISTAR O PODER. (...) Agora ben, se nos atemos as declaracións do PG, éste semella ter máis interese pola construcción do marco político galego como tal, que por facerse con este poder (o autonómico) unha vez establecido. Así o repiten innumerables veces (...). Esta afirmación, tan extraña nun partido político, pode non ser insinceira se consideramos que os dirixentes do PG son intelectuais, profesores, homes de letras que, en xeral, non sentían demasiado interés por ocupar cargos políticos. Así o recoñece o editorial de EL PUEBLO GALLEGO, cando dí que os galeguistas máis destacados saltaron do gabinete de traballo á tribuna de acción porque un deber de galeguidade lles impuxo a permuta das súas actividades intelectuais pola misión "para la que no tenían entranamiento ni aficción".
OPINADOR: Se és un home de palabra debes, neste mesmo foro, escreber un comentario de desculpa polas túas pouco pensadas palabras. E, sí, definitivamente é importante ler e entender o que se le. En caso contrario, ti mesmo seras o bardallas.
O "descorazonado" comentario de Lugrís que aparece máis arriba permite comprender mellor que moitas explicacións o que está a acontecer dentro do BNG: cando desde dentro uns e desde fóra os máis denunciamos a penosa deriva do actual BNG, o seu crecente divorcio con amplas capas da base nacionalista tradicional deste país, o seu pragmatismo "moquetista" e a súa ubicación fronte a segmentos dinámicos do campo ecoloxista, cultural, sindical, etc. (segmentos en que reside boa parte do "país en marcha" e "autodeterminante" que sempre entendimos como cerna da nación pola que loitamos), os Lugrís de la vida sacan o tema do "esencialismo" e pretenden acalar as voces críticas coa pantasma do "momento histórico irrepetíbel que vive o nacionalismo", ou sexa, preocúpanse porque se lles poida mover o asento, o salario con plus e o coche oficial...
Non é de "esencias" do que estamos a falar, senón de praxe política, de defensa de intereses, de fidelidade ou non ás ideas polas que se naceu e se loitou en condicións ben adversas durante décadas. Algúns perden agora o cú pola cómoda subsidiaridade política en que se atopan, porque a viven con abundante viño e pinchito oficial e porque lles está a quedar un álbum molón de fotos de todas as inauguracións ás que asistiron e había sitio reservado para eles.
Mais iso nin é liberación nacional, nin autodeterminación, nin combate social, nin galeguismo do século XXI. ¿Para que quero eu un BNG que renuncia a iso a cambio de repartir douscentos postiños do entramado administrativo da autoanemia e o manexo de cartos no DOG? Se unha cousa non quitase a outra, inda ben, pero non hai máis que ver, por exemplo, a actitude do noutrora estimado Milucho das Labregas desde a súa delegación provincial da consellería industriosa coa heroica e íntegra xente de SOS-Courel para decatarse do alto grao de perversión a que están chegando os dirixentes do BNG.
Se nos imos a conformar con acubillarnos a sombra do PSOE con catro consellarías moi mal asunto. Xa dixen, no seu día, que corremos o risco de sermos fagocitados polo centro dereita do PSOE. Ao Sr. Quintana gústalle demasiado o poder. Na realidade, no seu fondo, non está a pensar no ben da Galiza. Está a pensar de non perder a súa poltrona colleitada com moi pouquiños votos. Nótaselle as leguas. É un político populista e como tal non lle gusta enfrontarse a unha asemblea aberta na que se poña en cuestión a súa laboura ou teña que reciber críticas da militancia. Normalmente os políticos populistas enganan ao pobo por moi pouco tempo por que basean e agochan as súas carencias e mediocridade nise populismo. Pero ¡homiño de Deus! …non te decatas que toda esa xente que hoxe te aclama e che pasa a man polo ombreiro non tardará en darche de costas? Que pouco coñeces a idiosincrasia dos galegos! Incluso me atrevería a dicer que os que hoxendía están contigo na executiva do BNG non tardaran máis aló dos comicios para defenestarte se o pastel non chega para repartires. Oxalá me engane, pero a fractura que o Sr. Quintana; e de momento os seus acólitos; poden causarlle ao nacionalismo con ista actitude populista desprezando a moitos colectivos no seo do BNG, pode levarnos a outro Riazor 82. Non sei que enquisas manexan, pero imaxinemos por un intre que nos saen un par de partidos capaces de obter un escano. Entón xa será moi tarde e o pouco que temos perderémolo polos erros dun líder populista. Dame mágoa cando din que se queremos traballar hai sitio para todos.E algún postiño clientelar de acomodo tamén? E logo,… querédesme dicer quén vos levou até onde estades? Sen o noso traballo, que saibades que hoxe non sentaríades en cadeira de coiro, non teríades coche oficial nin pluses ou sobresoldos vitalicios. Nós si que sempre estivemos preto do pobo. ¡Que Deus reparta sorte que ben a imos a necesitar!
Para #58 (Alpabarda):
Agradézoche a precisión da cita, pero CURIOSAMENTE ESQUECES outras afirmacións fundamentais do autor que están na mesma páxina (p. 165), onde di claramente Xavier Castro: “Todo elo motiva que o PG tivese que `facer país´ ó tempo que ASPIRABA A CHEGAR A GOBERNALO” (maiúsculas miñas). E unha páxina despois (p. 166): “Parécemos, xa que logo, conveniente toma-las altruistas manifestacións do PG sobre o seu desinterés por detenta-lo goberno autónomo CON CERTAS RESERVAS, máxime se consideramos que por ser este partido o principal valedor da autonomía tiña que porse a cuberto da imputación de que pretendían aproveitarse dela, ocupando os postos de conselleiros” (maiúsculas miñas).
Con todo, o PG tiña unha estrutura organizativa, un programa e presentábase ás eleccións, trazos típicos de calquera partido. Ao respecto suxíroche que leas o libro máis recente que trata do asunto: Justo Beramendi, “Galicia, de provincia a nación. Historia do galeguismo político”, Vigo, Xerais, 2007, para calquera dúbida que teñas.
Á vista de todo o anterior, creo que deberías ler cun pouco máis de atención, porque se non rematas confundíndote. En todo caso, retiro parcialmente as palabras que che dediquei: liches o libro, si, pero non o entendiches ben de todo. Non es, xa que logo, un bardallas, pero tes algún problema de comprensión. Recoméndoche que leas de novo o libro de Castro e os capítulos de Beramendi sobre o PG na obra citada.
Un saúdo.
Son moitos os aspectos críticos traídos a colación verbo do BNG actual, polo que resulta moi difícil respostar a todos coa debida atención. Por iso só quixera deitar algúns breves apontamentos.
Na intervención de #56 (Escevola) subxaz o mito da mobilización permanente e unha sobrevaloración da acción militante nacionalista dos últimos anos (por moi meritoria que esta sexa). Do panorama que presenta derívase unha imaxe distorsionada da nosa realidade social: en Galiza non hai activos, continuados e persistentes movementos sociais dotados dun gran apoio social. Tan só é unha pequena minoría a que se mobliza e para iso esporadicamente, sen continuidade e con importantes eivas. U-los eses “movementos sociais (veciñais, estudiantís, ecoloxistas...)”? Sempre foron pouca cousa, a verdade, por máis que o espellismo do Prestige non fixera pensar noutra cousa. O sindicalismo si que ten continuidade e persistencia, pero obecede máis a unha lóxica propia de xestión do conflito laboral (todo o combativa que se queira) que a unha lóxica propiamente política, por moito que algúns sindicalistas xoguen no seu tempo libre a revolucionarios.
Fíar a transformación de Galiza a este mito é un erro político considerable. Gústenos ou non, non vivimos nunha sociedade pre-revolucionaria disposta a mobilizarse e que tan só agarda a que unha vangarda nacionalista e de esquerdas, clarividente e combativa, a guíe. Tampouco a maioría da sociedade vive dramaticamente os conflitos reais ou latentes, vendo con distancia e mesmo con retranca todas as apelacións agonísticas á loita final. A maioría social galega vive noutro ritmo, noutras coordenadas de normalidade, máis ou menos como noutras partes de Europa. Isto é consecuencia dos profundos cambios sociais, económicos e culturais acontecidos nos últimos vintecinco anos e que unha parte do nacionalismo se nega a considerar, pensando que vivimos permanentemente instalados nunha colonia terceiromundista, sempre asoballada e reprimida. Na sociedade galega hai dinamismo social, potencialidades latentes, e nela predominan as identidades duais e non exclusivas, cuns sentimentos independentistas absolutamente marxinais e cunha marcada tendencia global á moderación política.
Neste escenario, apelar a grandes palabras, a grandes consignas, pode ser moi gratificante para un reducido sector de activistas, pero non achegan nada á hora de ofrecer solucións concretas aos problemas concretos que lle afectan á xente. Porque a cidadanía non dá o seu apoio social e electoral ás grandes palabras ou consignas, senón a aqueles que ofrecen cousas tanxibles, reformas eficaces, propostas realizables, e que ademais amosan capacidade para xestionalas con razoable eficiencia. De aí que o BNG tente, con erros e acertos, unha estratexia acorde coa realidade descrita, “un pasiño adiante, pero non cincocentos”, como dixera un día pedagoxicamente Quintana, seica o gran traídor.
É comprensible que algúns se sintan desanimados ante un traballo duro e constante que vai conseguindo pequenas cousas (pero grandes para moitos outros galegos: ou acaso, poña