Edición xeral
Crentes Galegos recollerá deica fin de ano adhesións individuais e colectivas pola laicidade
Esta fin de semana celebraron en Baltar a súa XXXI Romaxe, 'Rexos como Carballos', reivindicando o galeguismo cristián.
A Coordinadora de Crentes Galegos e Galegas vai presentar este martes oficialmente o Manifesto pola Laicidade, elaborado de forma participativa polos diferentes colectivos que agrupa a plataforma estatal Redes Cristiás.
O obxectivo é comezar unha campaña de recollida de adhesións individuais e colectivas que se estenderá deica o vindeiro 31 de decembro para posteriormente entregalas a representantes institucionais, entre estes ao presidente da Xunta e aos grupos parlamentarios; e, a nivel estatal, aos seus homólogos así como á Conferencia Episcopal Española.
O Manifesto pola laicidade denuncia os Acordos Igrexa-Estado de 1979; aposta pola separación e autonomía do político e do relixioso; avoga por un estatuto de laicidade que libere a sociedade civil dos símbolos relixiosos; critica o clericalismo e a falta de democracia da Igrexa; defende a laicidade escolar e censura o confesionalismo relixioso na escola; reproba o actual sistema de financiamento da Igrexa Católica e os seus privilexios; propugna unha presenza en igualdade de condicións da relixión nos medios de comunicación e acusa a xerarquía eclesiástica do uso contrario á liberdade relixiosa que está a facer a través da súa cadea de radio, COPE.
"Un pobo con raíces ben fondas"
Por outra banda, na carballeira de Baltar (A Pastoriza) e baixo o lema Rexos coma carballos, a Coordinadora celebrou "o privilexio de ser un pobo con raíces ben fondas das que non queremos nin podemos desprendernos: unha maneira de falar, unha maneira de bailar, unha maneira de rezar, unha maneira de tratar cos demais, coa Natureza e con Deus", segundo apuntaba Xabier Blanco, da organización, o pasado mes de xullo no Canal Irimia de Vieiros.
Miles de persoas participaron na romaxe, que chegou xa a XXXI edición, organizada pola Asociación Irimia coa colaboración da asociación cultural A Chaínza. Houbo tres homenaxes cidadás: "Unha á traxectoria da xente que está apostando na nosa terra por facer posíbel a integración do pobo xitano; outra á xente da zona da Pastoriza que apostou por darlle futuro ao noso campo a través do cooperativismo e do asociacionismo (O Caxigo e A Chaínza), e por último aos colectivos empeñados en que Galiza non sexa vendida (Galiza Non Se Vende)".
- Máis información no Canal Irimia de Vieiros
Novas relacionadas
Comentarios (19)
Isto xa é o máximo. Aqueles que cren, que teñen Fe, que negan dereitos, que condenan e envían ao inferno, ou que, canto menos cren nos que negan, condenan e envían..., agora van e asinan pola "laicidade".
Non, se a escola de Santo Ignacio de Loyola está en áuxe.
Liberemo-nos de toda Teoloxía. Mellor que crer nunha Teoloxía Liberadora.
Ou pior, iremos cara a liberación nacional de Galiza con esta xente para a que teño todo o meu respeto?
Quen nos dese máis xente coma esta e non ignorantes talibáns, que son incapaces de flexibilizar e abrir a súa mente xa non só por imbéciles e escuros (que nalgúns casos tamén) senón -peor- por simple perguiza de saber e de coñecer un mínimo do que lles rodea.
Saúde, Coordinadora!
Que ledicia ver como ainda queda moita xente que sabe entender e vivir a fe dende o amor ao seu país, á súa cultura ás suás raices. Moitos cristiáns que por diferents motivos non participamos neste tipo de actos sentímonos espiritualmente moi unidos a vós pola vosa forma de entenderdes a fe dende un espírito libre, sincero, aberto, solidario e respectuoso con todas as opcións. Sodes un exemplo para moitos católicos e non católicos polo voso xeito de vivir a fe dende o servizo ao voso país, ás súas necesidades e sempre traballando por un mundo mellor onde a paz e a igualdade sexan unha realidade e no unha quimera. Felicidades tamén por non deixarvos manexar por unha Xerarquía que ao meu entender está máis politizada incluso que no franquismo (ainda que por sorte con menos poder, e ainda teñen abondo). Parabéns de novo e a seguir así, de corazón volo desexa un cristián moi crítico coa xerarquía pero que malia todo se mantén dentro da Igrexa, porque a nosa fe non ten sentido se non é na comunidade e na Igrexa cabemos todos.
"Isto xa é o máximo. Aqueles que cren, que teñen Fe, que negan dereitos, que condenan e envían ao inferno, ou que, canto menos cren nos que negan, condenan e envían..., agora van e asinan pola "laicidade""
Sr Xabi o seu e um exercicio nidio de intolerancia. A liberdade religiossa consiste precisamnete em saber delimitar os campos de accom do religiosso e do civil ou leigo...Professar umha fe ou seguir um sistema de crenzas espiritual ou religiosso nom atenta contra ningume no entanto seja um exercicio livre. Eu agnostico conhezo gente de distintas confessons (moro em Londres) e jamais tenho tido problemas nem eu com eles nem eles comigo...Por outra banda ha gente religiossa dumha qualidade humana e de servizo que singelamente som de abraio...nom tenham esta ou aquela confessom ou nengumha, senom porque umha coussa nom rifa com a outra..Acho que no estado espanhol e mais no caso galego -pola historica desconexom e retessia da igreja "oficial" catolica contra a nossa cultura e identidade- a situazom muda polos efeitos, pre-coneitos e xenreiras historicas da pre-guerra e da pos-guerra do 36-39...mais a tolerancia e o respecto as crenzas ou nom crenzas dos demais e (ou deveria ser) o alicerze do funcionamento de tuda sociedade...A mim pessoalmente nom me afecta que a religiom cristiana diga (que nom acho que seja assim literalmente mais tanto teria) que ao que nom acredite no seu deus vai ao inferno...porque os meus amig@s crentes nom acreditam nisso enm desejam que eu vaia ao inferno...Umha coussa e a igreja (o povo) e outra a sua jerarquia..Galiza e um pais com umha fonda tradicom de povo com um xorne espiritual (que o cristianismo adaptou como fisse noutras terras) baseado em crenzas mais holisticas (priscialianismo etc)...O poder politico corrompeu a igreja..tal e como veu fazendo des tempos inmemoriais ao mesturar o nossopresente com os nosso desejos, os nossos temores e ignorancias, a nossa sede de justiza NA TERRA e (por desgraza) os nosso degoiros revanchistas (abeirado na justicia humano-divina, mais do primeiro ca do segundo)...
...asemade estam asinando polo laicismo...que queres?? que sejam coma ti e refuguem da sua fe ou mesmo da sua espiritualidade, algo semelhante mais diferente?? Nom che semelha isso um chisco intolerante?? Eu digo que o que queira apostatar que o faiga e o que queira ter fe religiossa que a tenha, o que queira ser pagano que o seja, etc etc e tudos tam amig@s
Vaia. Se expresas unha opinión contraria ao manexo que a Quinta Coluna eclesial está a desenvolver, entón es un intolerante, mais aqueles que deciden que o Deus verdadeiro é o seu, que é sabio e todopoderoso, Señor de Vidas e Facendas e Comandante en Xefe dos Universos Mundos, eses non, eses son "tolerantes" a caneiro cheo.
Non vos sería mellor expulsar aos vosos xefes das Igrexas, gobernar esa sociedade tan pouco democrática como é a Igrexa Católica e nomear pastores algo máis intelixentes ca eses que aparecen na televisión largando contra o aborto, os divorciados, o ensino laico... o día 25 de xullo?
Porqué razón sempre tendes que dar lecións aos demáis, especialmente a aqueles que non vos queremos ver nen en pintura? Porque, se o reino do voso boss non é deste mundo, andades todo o santísimo día das Ánimas interferindo na vida dos demáis?
Escoitar falar de "liberdade" e "Deus" como se fosen compatibeis, produciría risa senon fora pola falacia que encerra, a saber, a incompatibilidade entre o exercicio da liberdade e o dominio de quen é un Ser Superior. Claro, argumentos así non valeron nen valen para o xesuitismo disfrazado de postmoderno.
E como agora que a relixión está en horas baixas, grazas a Deus, tamén os crentes queren gobernar a laicidade, non vaia ser que se lles vaia das mans, cando sobre ese tema están pouco informados por falta de práctica, qué se lle vai facer, igual que lles falta práctica aos sacerdotes cando aconsellan ás parellas sobre... a vida marital!
Ánimo. Tendes todo o dereito a expresar as vosas opinións. Eu tamén as miñas. Bon, podo agora. Hai uns anos non podía e hai moitos anos me terían matado no nome de algún Deus. Talvez un dos vosos.
A ignorancia éche moi atrevida.
Confunde de novo Xabi1. Di vde: "Hai uns anos non podía e hai moitos anos me terían matado no nome de algún Deus. Talvez un dos vosos". Precisamente moitos deses que ti chamas "dos vosos" pasason pola cadea polo seu compromiso coa loita contra o fascismo.
O problema non está nas crenzas, nos deuses, etc. O problema está nas persoas que se apropian de certos símbolos relixiosos (ao igual que sucede con moitos outros cos que se identifica un pobo) para beneficio propio ou do grupo ao que representa. É, foi e será.
Saúde.
Rexos como carballos? Mellor que fora como carallos. ¿Onde van aqueles curas lúbricos que deixaban criadas embarazadas de sobriños? Galicia... xa nin tes curas bos, porque xenerosos nunca foron.
As críticas aos crentes de base son unha forma de integrismo que non se diferenza en nada ao de personaxes coma o Cardeal Rouco. Tanta ignorancia hai nun coma noutro. Pero claro seguro que cando se vaian achegando as eleccións os que agora os critican tratarán de sacarse a foto con eles, pois ainda lembro a Quintana nunha xuntanza en precampaña con representantes dos cristiáns de base galegos. Un pouco de respecto pola xente boa do noso país, pois tamén hai curas e crentes que aman defenden e pasaron penurias por loitaren polos dereitos do noso pobo.
Discrepo do último comentario de "Outro". Que haxa curas e crentes do noso pobo que tiveran conciencia de algo, non significa necesariamente que as súas crenzas non poidan ser criticadas. Ollo, as súas crenzas, ou sexa, crer en Deus.
Aínda máis, tamén pode ser que as súas posturas políticas sexan criticabeis por multitude de razóns porque ben poden ser reaccionarios galeguistas de base.
Semella que por ser crente, de base e galego, non merecen críticas. Pois vai ser que non.
No canto de andar a marear coa "laicidade" e tentar manexar desde atrás un movemento que non precisamente naceu entre eles para mellor influir nel, terei o atrevemento de lles aconsellar que adiquen todos, pero todos os seus esforzos a mudar a xerarquía católica e algúns dos seus dogmas, recoñecidos como nefastos na historia da humanidade.
Naturalmente, isto non significa que falte ao respeto ás persoas que son cristianos ou católicos de base, nen que aplique sobre eles a forma de integrismo que caracteriza ao tío daquela moza que saiu espida en Interviú.
E, por suposto, tampouco chegaría a asistir a nengunha misa progre de nengún sacerdote progre de base nen farto de viño sen consagrar.
Cada quen no seu lugar.
Fai o que queiras..O unico que che pediria e que respectasses a quem CRE EM DEUS e polas razons que fosse gosta de seguir uns rituais como se fai e se tem feito em moreas de actos ou crenzas misticos-religiossas-espirituais-desportivas-musicais, etc etc......Valora as pessoas polo que som, pola sua humanidade, pola boa fe das suas intençons...Eu tenho amigos muslimes que estam a celebrar agora o Ramadan e nom se me ocorre nem chamar-lhes fanaticos nem Bin-ladens nem terroristas nem nada poloe stilo...Por que?? Nem tudos oas catolicos som Rouco ou Ratzinger, nem tudos os protestantes Paisley, nem tudos os ateos Stalin..Luther King e Gandhi forom duas grandes pessoas de profundas convicçons religiossas, mais um humanismo religiosso colado a base da terra e das mulheres e dos homes que ne-la habitamos..Procuremos as compatibiliades alo onde for possivel, desbotemos fanatismos e sectarismos e preconceitos...Faremos unm mundo moito melhor e mais habitavel..Eu, agnostico e tudo, entendo Galiza como um pais que tem umhas raizeiras cristianas e moit@s galeg@s que professam esta fe uns dum jeito e outr@s doutro suponho...O bonito (e o dificel por mor da hierarquia catolica e dos jogos de poder desta hierarquia (tam espanholeante e desleigada) em Galiza...Conhezo moita gente destes grupos e poido dizer que , a marge de partilhar ou nom as suas crenzas teo-ontologicas ha moitos pontos da vissom social e do legado cristiam que acho que som bem rescataveis (exemplos como Leonardo Boff, Jon Sobrino, etc) e que partilho plenamente. Outra coussa e o agir das suas hierarquias polo mundo. Se nom queres ir a missa nom vaias, eu tenho ido com a minha moça que e catolica, coma tamem tenho ido ao templo budista (moro em Londres) em janeiro-fevereiro cando chega o ano novo chines, como tenho participado (ouvinte) em ceremoniais paganos, hindus etc etc...Tentar obrigar a gente a que pense como um nom e o caminho e menos ainda aliena-los...A religiom e algo mais ca simples FE e como tal ainda que nem se este de acordo com tudo (porque tamem e legado etnografico, cultural e em moitos casos ate definidor da identidade) a gente tem distintas motivaçons para caminhar nesse vieiro, que aos agnosticos e-nos inaprehensivel...Se conheces os posicionamentos sociais e a posiçom de moitos deste curas e leigos encol dios temas candentes da igreja catolica surprenderias-te...Tenho escoitado de moitos que liscarom (e seguem indo as romagens)e deixarom de serem curas, mais moit@s outr@s continuam e seguem a loitar desde dentro e no seu dia a dia para que a igreja que queiramo-lo ou nom (como noutros paises sejam catolicos tradicionais ou doutras confessons) tem umha grande influenza historica e social no nosso pais, que e (ainda que nom o fossemos moitos dos seus cidadans) culturalemente catolico...Apertinhas e Tolerancia
As persoas hai que valoralas polo que fan, non polo que son. Os problemas do cristianismo romano son dous basicamente: a xerarquía eclesiástica e a súa crenza en Deus. Pero cada un que faga o que queira.
Unha cousa é a crítica respectuosa dende un ateismo ou agnosticismo tolerante con todas as opinións, e outra son o insulto e a descualificación. Eran galeguistas reaccionarios os curas que nos anos duros da loita obreira en Ferrol axudaron aos traballadores e puxeron en risco ás súas vidas enfrontándose ás autoridades franquistas? Eran galeguistas reaccionarios os curas e crentes leigos que participaron na fundación do PSG e logo incluso chegaron a ser alcaldes ou deputados de Esquerda Galega como Antón Martínez Aneiros? Non hai nda mási reaccionario que a ignorancia atrevida, e o non ser quen de aceptar as crenzas que cada quen teña sen por iso descualificalo; iso si é reaccionario.
Tes razom Charino, nom me expliquei bem davondo, queria dizer "polo que som como pessoas, na sua humanidade" (o cal "per se" implica moitos elementos de irracionalidade que nos atingem a tudos...ja que o irracional nom atinge so o facto religiosso)...De quaisquer jeito a tua precissom e mais que acaida e agradezo-che o engadido. Nom acho que crer em Deus seja em sim proprio um problema..eu perguntaria mais bem (como tu mesmo indirectamente semelhas dizer) para que che serve a ti crenza (ou nom crenza) em Deus (identificado este da maneira que seja)...Certamente eu tamem acho que e um erro e umha contradizom de principios a hierarquia VERTICAL catolica, algo que nos primeir@s cristians (digamos ate o seculo IV ou V) nom existia...A igreja (povo-comunidade-freguessia) tem mais vencelhos e analogias com o socialismo que com quaisquer ideologia capitalista ou direitossa. Outra coussa e a hierarquia e a proximidade desta igreja (a catolica aco como outras noutros locais) com o poder, que ao meu olhar subvertiu tuda a mensagem de Jesus, que como disse Chavez (catolico ele mesmo) ou Fidel Castro "foi o 'primeiro'(s.c.)comunista"...E eu acrescentaria para fazer mais evidente a contradizom entre o legado historico da cupula catolica (nom d@s cristians de base nem doutros que merecem a minha admirazom) que tende a confrontazom, a belicosidade verbal e a intransigencia de tudo tipo, o cal em sim proprio contrastaria com a generosidade, a comprenssom (ninguem se vai condear!!) e a NOM-VIOLENCIA da mensagem cristiana espida do elemento teo-ontologico que para mim (que procuro pontos positivos em comum) e secundario e em tudo caso algo privado e que nom me tem que afectar...
Do novo, vaia. Alá vos co voso Deus, tan so desexo que o voso Deus non se meta conmigo e que os representantes de Deus na terra, tamén.
Non pararíamos de dar exemplos de grandezas de crentes e sacerdotes, estou seguro, por exemplo, os misioneiros e as monxas que están nos piores lugares. Concordo plenamente que hai persoas que son un exemplo de adicación e de humanidade, pero iso non fai boas as súas crenzas. Parece que non queredes entender.
ESe houbo curas progres en Ferrol, mira ti, a nómina de curas rque ófertaban os derradeiros auxilios a fusilados por Franco alongaría un pouco este debate, por non lembrar aos mesmos sacerdotes do Ferrol actual que atenden a tropa profesional.
Ou sexa, que exemplos hai para dar e tomar.
E, por favor, por favor, aceptade un poco mellor as críticas, que hai motivos abondo para facelas.
Saúde
Moita razón ten Xabi1. Aínda agardamos que a xerarquía católica pida perdón polo seu papel na guerra civil e o franquismo. Houbo moitos curas que delataron e foron cómplices de paseos, incluso baixo segredo de confesión. Na viña do señor hai de todo.
Pregúntolle a ese bispo céltico que quere asemellarse a Rouco ¿pode existir unha comunidade de verdadeiros crentes dentro da Igrexa católica? Se teñen que encontrar as esencias nos romanos, esquecendose de séculos de exercicio da igrexa, imos dados, pois a súa historia ó longo destes dous mil anos sinxelamente da arripios.
A crenza en Deus é puramente irracional. O que se trata é de derivar desta crenza normas morais que permitan manter dominadas socialmente ás persoas. Unha ideoloxía que tenta ocultar entre metafísicas a súa condición de ideoloxía.
Cando fai xa dous séculos matamos a Deus, vir co conto da liberación pola relixión...
Xabi1, concordo absolutamente contigo no teu primeiro paragrafo..O que nom enetendo e por que te alporiçaz polo facto de que gente catolica decide apostar pola laicidade..Cal e o problema?? Se tu e mais eu nom queremos participar ninguem nos vai obrigar...Orabem eles tenhem tudo o direito a fazer o que fam e eu, ainda que nom porfesse a sua fe teologica, apoio a sua iniciativa...Casos semelhantes tenho visto no Pais Basco e de facto em Inglaterra (onde moro) ja e normal desde ha..........Jaora que ca nom tuverom "cruzadas" nacional-catolicas etc etc...Mais tam pouco e justo acusar a alguem de esquerdas de ser um stalinista...Cantos curas bascos e curas alemans e curas irlandeses forom mortos por Franco, Hitler ou Cromwell???
Charino, qualquer tipo de crenza e irracional (nom so a religiossa), mais ha moita irracionalidade no nosso agir como pessoas, que nos define precissament como o que somos desde a noite dos tempos..O que temos que procurar ao meu olhar e cinguir a nossa espiritualidade ou religiossidade se queres ao ambito privado ou, em qualquer caso nom mestura-lo com a liberdade das pessoas para ter as crenzas ou nom crenzas que lhes petem..O contrario e ir contra a liberdade (mesmo contra a liberdade de quem quere ser um escravo) e poderia resultar contra-producente...Tem certa analogia com o idioma galego, ninguem impide a gente falar as linguas que lhes pete no nosso pais, orabem a lingua veicular e oficial em Galiza deveria ser o galego..Pois o mesmo neste caso, ninguem impide a gente manter no privado tudo tipo de crenzas ou nom crenzas, orabem Galiza e um pais leigo e as suas instituçons deve manter e promover esta laicidade veicular...
Charino se les o que escrevim nom tes argumento nengum para dizer que me quero asemelhar a Rouco...outra coussa e que queiras fazer a caricatura...que fica engraçada, mais nom e real..Eu som um agnostico tolerante, mais agnostico de pes a cabeça meu...O ultimo que me interessa dumha pessoa e cal e a sua religiom (se e que a tem), interessa-me o seu contido de humanidade, o demais ao meu ver som pre-conceitos, que se vem poideram ser historicamente logicos, ja digem, nom deixam de serem pre-conceitos...
Dous seculos que matastes a Deus?? Cantos fostes?? Como?? Estava vivo?? Onde e que estava?? Como era?? Era Deus ou Deusa?? As vezes o pensamento "eurocentrico" impide-nos olhar a humanidade e os seus ritos, ritmos, culturas, ethos, etc etc.........Que aginha pre-julgamos e que preguiceiros que somos para botar umha olhada ao mundo alem do nosso embigo
Sintoo que molestara a analoxía con Rouco, pero vai no propio nome. O que digas que eres non me interesa demasiado, soamente me interesa argumentos expostos. O problema da relixión católica é que nunca foi respetuosa coas crenzas dos demais, sempre pretendeu impoñerse. Aínda agora temos moitos exemplos cercanos: aborto, divorcio, eutanasia, educación relixiosa, etc. A belixerancia dos agnósticos ou os ateos contra a relixión católica foi sempre unha belixerancia contra o mesmo poder terreal, pois non se poden diferenciar. O Deus católico sempre foi da man do poder en compaña do fariseísmo. A propia laicidade, da que agora queren usar os católicos foi froito dese matar a Deus. Eu non falo dos panteístas africanos (ou galegos) nin dos budistas, falo do que teño o meu lado. E sempre xulgamos desde as nosas crenzas, historias e tradicións, pois a idea dunha humanidade global abstracta non só é inexistente senón tamén froito dunha visión eurocéntrica. Os dereitos humanos están no noso embigo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto