Vieiros

Google anunciou, por sorpresa, no seu blog, que este martes lanzará oficialmente o seu navegador. De código aberto, e baseado parcialmente no Safari de Apple e no Firefox de Mozilla, o Google Chrome -que así se chamará- pretende revolucionar a web, por estar pensado para executar aplicacións en liña.

Mentres se mantén a expectación, Google fixo pública, e mediante unha licenza Creative Commons, unha banda deseñada onde enxeñeiros da compañía explican como se desenvolveu, en que consiste e que novidades achega.