O neandertal era tan listo como o homo sapiens
En contra do que se pensaba, o home de neandertal non tiña unha intelixencia inferior ao sapiens.
O neandertal, máis intelixente do que parecía
Un estudo publicado polo Journal of Human Evolution demostra que o home de neardental usaba armas e utensilios tan eficaces como as do homo sapiens.
Ata o de agora considerábase que as ferramentas redondeadas propias dos neandertais eran un signo inequívoco da súa inferioridade intelectiva, no entanto, científicos de diversas universidade estadounidenses acaban de demostrar o contrario.
Para iso, os investigadores recrearon os útiles de ámbalas dúas especies: os redondeados dos neadertais e os puntiagudos dos sapiens. Así, ó proceder á súa comparación, en base a criterios como a facilidade de fabricación ou a eficiencia para cortar alimentos crus, comprobaron que ambos eran iguais de válidos e, incluso, nalgúns aspectos as armas dos neandertais eran mellores.
A pregunta que se fixeron entón foi a de por qué os sapiens mudaron a tecnoloxía, se a dos neandertais era igualmente eficaz. A este respecto, os investigadores suxiren que se trata, unicamente, dun aspecto cultural, isto é, que se debeu a unha vontade de distinguirse dos seus antepasados ou de chamar a atención.
FWWWRANDO
Comentarios (3)
É unha forma xenerosa de falar. O que quere dicir é que eran igual de brutiños
#1
Quer você dizer igual de sabios ... as culturas paleolíticas perdérasm-se, e com elas, infelizmente, uma riqueza de saberes naturais e de técnicas que nos deixariam espantados.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
GZ-Sete
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto