Edición xeral
O PPdeG quéixase de que os actos da memoria histórica "non mencionaron as mulleres de dereitas"
A titular de Cultura defendeu a consolidación da muller na cultura. O PPdeG ve "listas negras" e abandonou a sala pola ausencia do conselleiro de Traballo.
A conselleira de Cultura, Ánxela Bugallo, compareceu este martes na Comisión non Permanente para a Igualdade das Mulleres onde asegurou que as medidas que están a desenvolver dende o departamento que dirixe van encamiñadas a consolidar a tendencia ascendente no número de mulleres que traballan no eido da cultura segundo datos do IGE.
Bugallo argumentou que grazas a unha liña de axudas específica para o sector audiovisual houbo un incremento do 35% nas producións realizadas por mulleres nun ano. Ademais, defendeu as políticas iniciadas para "igualar" a presenza das mulleres e dos homes neste ámbito, "tanto como creadoras como consumidoras", o que ligou á conciliación da vida familiar, laboral e cultural.
"Estamos a realizar unha política de xénero", afirmou Ánxela Bugallo, e recordou iniciativas concretas como a "presenza visíbel das mulleres" na cultura, a "homenaxe ás mulleres represalias da Guerra Civil", o dicionario das mulleres ou a creación do premio Mari Luz Morales de cinema.
Porén, a deputada do Grupo Parlamentario do PPdeG e voceira de Igualdade, Susana López Abella, acusou a Xunta de realizar "listas negras" de artistas, algo que Bugallo reprobou porque "listas negras fíxoas o anterior goberno, sobre todo a raíz do Prestige". López Abella discrepou das homenaxes ás mulleres represaliadas "porque só se mencionaron as de esquerdas e non as de dereitas" e esqueceron as "outras vítimas", as mulleres que realizaron un "inmenso sacrificio".
Deporte
Ánxela Bugallo falou ademais do traballo da Dirección Xeral para o Deporte e fixou o seu principal obxectivo na incorporación das mulleres aos postos as federacións deportivas, así como en impulsar o deporte de base e eliminar as discriminacións cara ás mulleres á hora de acceder ás actividades e instalacións deportivas.
Pola súa banda, a deputada do BNG Ana Pontón valorou a realización destes estudos para descubrir a situación das mulleres no mundo da cultura e do deporte; mentres que a do PSdeG Carme Cajide salientou a "necesidade" de implicar aos medios de comunicación e, no caso do deporte, "implicar os patrocinadores".
Ánxela Bugallo aproveitou a súa intervención para pedirlles aos grupos parlamentarios que a comisión instase á Federación Española de Remo a que "derrogue" o Artigo 20 que lles prohibe ás mulleres liderar unha tripulación a raíz do caso da galega María Vitoria Piñeiro que "foi vetada" pola súa condición de muller. López Abella mostrou o "compromiso do grupo parlamentario" para apoiar esta iniciativa, e a presidenta da mesa, a nacionalista Modesta Riobó, asegurou que a comisión debaterá a proposta da conselleira.
Traballo
Por outra banda , a comisión de Igualdade contou coa intervención da directora xeral de Relacións Laborais, Pilar Cancela, en substitución do titular de Traballo, Ricardo Varela, que se ausentou debido a "problemas de axenda". Antes de comparecer, Pilar Cancela xustificou esta modificación porque "non se trata dunha sesión de control ao Goberno", aínda que Susana López Abella xa abandonara a sala polo que considerou "unha falta de respecto" do conselleiro.
Cancela realizou un repaso dalgúns datos e recordou, entre outra cousas, que o salario medio das mulleres é de 12.911 euros fronte a os 17.661 do homes. Recoñeceu que "aínda hai moito por facer" e asegurou que a "clave" está nos convenios laborais e a implantación de plans de igualdade en todas as empresas.
Comentarios (3)
>
Qué problemas tiveron as mulleres de dereitas na GZ desde 18 xullo 1936, debidos á República (único Goberno democrático na altura por máis de 45 anos) ou ás/ós republicanos?
Cál foi o "inmenso sacrificio" das mulleres de dereitas?
Isabel Tocino medalla Castelao xa!!!!!!!!!!!
Uma das cousas mais curiosas de fazermos as contas em comum a respeito de temas tão importantes como a Guerra civil e a repressão franquista é o feito da Transição ter deixado associados e atados estes dous assuntos e além repartidas as responsabilidades a toda Espanha, de jeito que se possa justificar o discurso de "melhor não falarmos disso, que em toda parte e por todo bando se cometeram barbáries", melhor perdoar e esquecer.
E isto pode estar mui bem para a maior parte do Território espanhol onde a guerra durou semanas, meses ou anos e onde se podem contar batalhas, prisões, julgamentos sumaríssimos, repressões, vinganças e olho por olho...
E ainda tudo há que desglossar as contas. De Abril de 1931 a Novembro de 1933 governa na Espanha uma esquerda moderada cuja máxima repressão às mulheres de direitas foi cessar algum dos seus homens, pais ou filhos em postos da Administração civil e apenas no exército (ainda a sanjurjada de 1932). Ainda e tudo se alguma repressão houve centrou-se no apagamento dos camponeses e obreiros sindicados e exaltados.
De Novembro de 1933 a Fevereiro de 1936 governa a Coalição CEDA que se encarregou de devolver postos e direitos e criar outros para os simpatizantes da direita clerical. E daquela não apenas continuou essa mesma repressão senão que se estendeu a estudantes, sindicatos e autonomias... suspendendo-se toda liberdade apôs a brutal repressão militar (com mortos, feridos, expedientados... sem conta)e judicial pelos levantamentos de Outubro de 1934.
Em Fevereiro de 1936 ganha a FP e se sucede o ciclo de cesantias e troca de concelhos até Julho. Mas se houve repressão foi outra volta contra labregos, estudantes de esquerda e obreiros... mais exaltados do que a política da FP.
E depois uma cousa é a Guerra e outra as quatro décadas de franquismo brutal.
Por isso não se pode pagar em fondo comum em lugares como na Galiza onde não houve Guerra civil, apenas um golpe de Estado (que foi momentaneamente resistido pela população) e uma ocupação militar seguida de uma brutal repressão destinada a submeter a essa população maioritariamente hostil ao Golpe de estado.
E além, na Galiza a diferença de outras partes onde o golpe trunfou nos primeiros momentos, as autoridades legítimas, os mandos militares e a imensa maioria da população eram simpatizantes da República.
E a repressão na Galiza foi selvagem por isso precisamente. Para manter o controlo.
Esse pessoal do PP poderia aprender história e deixar de vir na Galiza com esse discurso que noutras partes talvez seja certo, mas cá é ofender ainda mais às vitimas.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto