Vieiros

Botando man dos novos talentos de banda deseñada do noso país, a Dirección Xeral de Xuventude presentou o primeiro volume da colección de Historias de Galiza, que neste primeiro tomo (son cinco en total) explica a través de ilustracións o período comprendido entre o mesolítico e a conquista romana.

A primeira das entregas da colección contará cunha tirada de 3.000 exemplares. Con guión de Carlos Rafael Ramos, os creadores da obra son Idoia de Luxán, Jerónimo Piñeiro, Juan Luis Pérez, Carlos Alfonso Fernández e Jaime Eizaguirre, cinco artistas que dan vida a outras cinco historias de temáticas e estilos diferentes.

Con esta iniciativa preténdese potenciar e promocionar os creativos do noso país e en concreto os novos talentos da banda deseñada, ao tempo que se afonda na historia. Ao final de cada volume, pódese ler un comentario que enmarca as diferentes épocas nas que se desenvolven as historias, para engadir un contido formativo aos cómics.