Vieiros

A embaixada de Estados Unidos en Birmania asegurou que recibiu informacións, baseadas en datos de ONG internacionais non precisadas, que cifran en máis de 100 mil o número de persoas mortas na zona do delta de Irrawaddy, como consecuencia do paso do ciclón Nargis.

Pola súa banda, a Xunta Militar que goberna o país deulle permiso á aviación estadounidense para levar axuda humanitaria ás rexións afectadas. Ademais, recoñeceu que 80 mil persoas perderon a vida unicamente no distrito de Labutta.

A Xunta mantiña dende o domingo unha actitude contraria a aceptar a colaboración internacional, mais finalmente cedeu ante as presións. Incluso esta cuarta feira, Francia propuxo a entrada sen permiso do réxime e solicitoulle á ONU una cláusula especial neste senso.