Edición xeral
Os consumidores saen a prol da "dignidade" que garante a Norma do Hábitat
A Unión de Consumidores de Galicia felicita a entrada en vigor da nova lexislación e destaca a importancia de que se estabelezan garantías "no produto máis importante" ao que un consumidor accede ao longo da vida.
Medidas que contribuirán decisivamente a dotar as vivendas "dunha configuración que as faga habitábeis e dignas no seu uso" non poden senón "ser consideradas como moi acertadas". Deste xeito se pronuncian desde a Unión de Consumidores de Galicia, UCGAL, en apoio das Normas do Hábitat que entraron en vigor este xoves. "Supoñen un avance moi importante na consecución de obxectivos tendentes a dotar as vivendas galegas dunhas características de habitabilidade e sustentabilidade e por riba de todo, de dignidade", afirman desde o colectivo.
Despois de estudar o documento polo miúdo, a UCGAL subliña o seu "rotundo" apoio á posta en marcha destas normas, e de xeito concreto, expresan a súa satisfacción polo feito de que as propias organizacións de consumidores e usuarios vaian ter voz neste ámbito a través dun representante no Comité Asesor de Habitabilidade.
Salientan ademais o desexo de que fronte ás presións e críticas aparecidas desde algúns sectores, as novas normas "non acaben sendo papel mollado" e insta ao Goberno a "implicarse decididamente" nunha iniciativa que lle garante aos cidadáns "o acceso a vivenda en condicións de calidade, sostibilidade e dignidade". Ao respecto, propóñenlle á Xunta que desenvolva tamén actuacións informativas co obxectivo de trasladarlle á cidadanía "o contido do decreto" coa meta de que os consumidores sexan conscientes dos "dereitos" que a Norma do Hábitat lles garante.
Comentarios (12)
¿Porque a uns poucos lles molestará que a maioría poidamos vivir mellor?
Porque a eles suponlles un pouco menos de eslora no iate.
http://www.anosacosta.es/ agora UPD está neste xornal co grande escritor RAFAEL LEMA, visitadeaa e dado un comentario sobre este personaxe.
A norma do habitat é boa, pode xerar algún problema tecnico (por exemplo algunha dubida, ou o dos marcos das portas) o principio pero van ser facilmente arranxables, e logo se verá coma un gran acerto. O fin os promotores terán unhas normas que cumprir, e xa non poderan facer o que lles pete... seguro que en dous anos esta norma a copian a maioria das CCAA do PP, senon o tempo, e mentres estara o Albertito -mira que pensei que este home faria cousas con senso...- largando de que vamos contra
Nom é necessário preocupar-se tanto polo "escritor portenho" Rafael Lema; se este indivíduo abre a feira do livro de Santa Comba pensai que este concelho está governado polo PP (para Galicien). O que interessa é esta manifestaçom da organizaçom de consumidores: boa falta lhe fam apoios à Conselheira de Vivenda que impulsa umha norma dedicada a melhorar as condiçons de vida dos galegos, algo que nom parece entusiasmar à parte PSOE do governo galego.
Muito bem pola valente decisom de Teresa Táboas.
Eles ganharom a pulso o intervencionismo, quantos alcaldes e promotores gestionarom com responsabilidade e dignidade o urbanismo nos últimos 50 anos em Galiza: andam pola media dúzia. Oleiros, Allariz, Santiago de Compostela e pouco mais.
É doloroso ter que dizelo para um liberal como eu mais o intervencionismo, o BNG é moi intervencionista, foi ganhado a pulso.
Por certo non é o certo o que dixen, fieime dun comentario , escrito neste xornal pro PP e O LEMA aparentemente non é da UPD.
Que entrem em vigor não significa nada. Há que fazer cumpli-las. E já sabemos...
Esperemos que os seus defensores não as esqueçam quando deixe de ser actualidade esta notícia.
O BNG ten que lembrar que actos coma estes dan votos, porque simplemente melloran a vida dos cidadáns. Esta é a forma de animar aos nacionalistas e non a propaganda barata. A valentía sempre ten recompensa e a señora Táboas vaina ter. esta conselleira non só goberna ben, ademais tamén amosa un gran compromiso co país e coa súa lingua na que antes patinaba bastante e que agora domina. Noraboa
U-lo os socia"listas" defensores das clases traballadoras, da vivenda pública(Vigo co pxou)...?. Na primeira medida de defensa non xa das clases desfavorecidas, senon de defensa do consumidor, situánse o lado do cartiño, caiselle a careta, de vergoña... ¡Noraboa a Tereixa Táboas!.
Cá neste estado immaculado o que não é do PP ou afins, é tolo, não sabe e até ignorante... Mas o gente já vai colhendo a onda!!Viva a Galiza possível,bloqueira em quanto não chegar a outra!! A que não tenha que render contas aos castelhanistas!!
http://lacomunidad.elpais.com/...
É evidente que son boas. Tamén que haberá que pulilas.
¿E que vos parece o espectáculo que están dando os arquitectos e os alcaldes, que parece que foran o ariete dos promotores inmobiliarios? Por certo que os socialistas, co seu presi e o seu xornal a cabeza non quedan atrás.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto