Edición xeral
Amparo ecoloxista ás Normas do Hábitat
Feijoo pide que se "modifiquen". Rego avoga por aplicalas con "prudencia" e defende a autonomía da Fegamp. Quintana di que "a xente humilde está farta de pagar moito por mala calidade".
- Anterior: (10/04/2008) Un Comité asesor xestionará as dúbidas na aplicación das normas
A asociación ecoloxista Verdegaia manifestou o seu apoio ás Normas do Hábitat Galego impulsadas pola Consellaría de Vivenda porque promoven a eficiencia no uso dos recursos naturais ao tempo que mellorar a calidade de vida e contribúen á sustentabilidade no sector residencial.
Na súa opinión, a aplicación destas normas avanzadas fomentará o aforro enerxético, o uso eficiente da auga, a reciclaxe e a conservación da paisaxe, e critican a falta de interese polos dereitos dos cidadáns que amosan o PPdeG, os promotores inmobiliarios e a Fegamp, neste eido.
Neste senso, o presidente do PPdeG, Alberto Núñez Feijóo, afirmou este martes que o decreto está mal desenvolvido, e considerou necesario modificalo. Ademais, criticou a división que segundo el hai no Goberno: "Mentres o que tería que facer o bipartito é estabilidade, o que está a producir é incerteza tanto na Xunta como nos concellos".
Pola súa banda, o voceiro parlamentario do PSdeG, Ismael Rego, apostou por unha aplicación "prudente" do decreto das normas do hábitat, e defendeu a autonomía da Fegamp -presidida polos socialistas-, que presentou un recurso contra o texto impulsado por Vivenda -dirixida pola nacionalista Teresa Táboas.
Precisamente, o líder do BNG e vicepresidente da Xunta, Anxo Quintana, saíu en defensa da lei, aprobada o pasado 20 de decembro polo Goberno. "Os galegos e as galegas, sobre todo a xente máis humilde, están xa fartos de pagar moitos cartos por vivendas de moi baixa calidade", dixo.
Comentarios (6)
Pero a que se refiren estes cando falan de aplicar "con prudencia", "con mesura", tanto estas normas de calidade MÍNIMA das vivendas como a lexilación lingüítica? É un eufemismo para dicir que non hai que aplicalas!
Aplicação "prudente" do decreto? Podo eu pagar de forma "prudente" os meus impostos?
PD: Por prudente entenda-se a "prudência" do decreto do ensino.
Os PSOEs andan cun medo de carallo, sobretodo porque se non remonta a economía de seguro caian en picado nos votos, e por elo tapan os ollos e tiran para adiante sen ver riticas nen criticos, coma se o "TODO VALE", e xa que a construcción vai de capa caida non lles importa que teña un resuxir anque sexa a base de hipotecarse mais e mais e mais....
Asi soltan aos especuladores coma os de Marbella, asi queren deixar que se poida seguir especulando e finiqueteando o patrimonio paixasistico e do chan....
POIS TOURIÑO.... espabilame..... voute a decir a palabra clave....
CRECEMENTO SOSTIBLE
Se ti mais os anteriores o fixechedes como "o fixechedes", non se ten volta atras, pero tense que parar esta bola de neve antes de que estoupe peor do que xa o está facendo agora....
Pero que pretende o PSOE? Que sigamos pagando ao comprar unha vivenda as comisións que os constructores lles dan os políticos de turno? Será iso o que temen? Claro, con iso da crise inmobiliaria, agora engadimoslle que hai que facer vivendas de mais calidade, etc. etc. aos constructores non lles queda marxe para subornar a ninguén. Será iso o que lles preocupa.
Menos mal que non gobernaba o PSOE deica agora porque de haber sido así isto non habería por onde collelo !!
Este decreto é de mínimos, pouco ambicioso, excesivamente permisivo, e nem isso!!!
Temos um cancro no parlamento, ainda que alguns pensem é é uma simples gripe.
Ainda que eu nunca chegarei a ter en propiedade ningúnha desas vivendas, nin é o meu obxetivo, suscribo as declarcións de Verdegaia, e de ter vivenda ainda que sexa prestada, en alugueiro, ou pública, gustaríame, que fose sostible, ecolóxica e digna. De meterse nun buraco, hai tempo.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto