AI Galiza protesta contra a sistemática violación dos dereitos humanos en Beixín
Fan público un seu informe sobre a represión chinesa no Tíbet, e, comezando a conta atrás para as Olimpiadas, soben á rede un documento audiovisual no que falan Óscar Pereiro ou Álvaro Pino.
A organización Amnistía Internacional acaba de publicar o seu informe República Popular de China. A conta atrás para os Xogos Olímpicos: a represión de activistas ameaza o legado olímpico, no que tamén lle piden ás autoridades chinesas que poñan "fin de inmediato ás medidas represivas que están aplicando contra os defensores e defensoras dos Dereitos Humanos en Beixín e noutras partes da China, así como contra as persoas que protestan no Tíbet e nas rexións da contorna".
Segundo conta Alberto Estévez, voceiro de AI en Galiza, ao contrario do que se di dende a China "a represión contra os activistas aumentou, non diminuíu por mor dos Xogos". Estévez tamén salienta que o que está realmente a acontecer en Beixín é que as autoridades chinesas están a silenciar e meter no cárcere a activistas dos Dereitos Humanos pacíficos, facendo unha caste de "limpeza" previa ás Olimpiadas: "estas actuacións fan dubidar que as autoridades chinesas se tomen realmente en serio o seu compromiso de mellorar os Dereitos Humanos antes dos Xogos".
"Cos dereitos humanos non se xoga... e ti, a que xogas?"
Para comezar coa súa campaña, a organización galega de AI acaba de elaborar un vídeo no que colaboran coñecidos deportistas galegos de todos os tempos, coma o ciclista Óscar Pereiro; o director deportivo do KGZ, Álvaro Pino; e o xogador do Celta, Roberto Lago. Na gravación os deportistas pregúntanlle ao espectador: "Sabes a que se xoga na China?". Velaquí unha pequena mostra:
Este do Youtube é só o avance o vídeo que se poderá ver enteiro (en galego e castelán) na web da AI Vigo. Nos vindeiros días outros destacados deportistas do país han participar nesta campaña.
No documento enteiro destácase que, segundo conta a Carta Olímpica, "o obxectivo do Olimpismo é poñer o deporte ao servizo do desenvolvemento harmónico do home, coa fin de favorecer o estabelecemento dunha sociedade pacífica e comprometida co mantemento da dignidade humana". Os deportistas participantes no vídeo han levar camisolas alusivas ao escrito nesta Carta, ao tempo que lembran, con datos, que non se está a axudar no desenvolvementos dos dereitos das persoas con estas Olimpiadas, ao contrario do que aseguraron as autoridades chinesas ao se saberen sede deste evento, en 2001.
Documentos
Ligazóns
Comentarios (9)
álvaro pino? non mercara unha vespino?
que fermoso pedirlle contas o asiático desde a nosa altura moral, intelectual e tecnolóxica. nos, a monarquía máis obsoleta do planeta a que soio lle falta santificar a maría de las mercedes. está visto que canto máis burro é un máis albarda lle cargan.
Moi ben: agora versión galega recén manufacturada -tamén pola mesma vía?- do organismo pro USA/CIA, que xamáis condena o Imperialismo, só cando in extremis non se pode seguir mirando para outro lado!
Para amolar a estes pánfilos:
http://www.rebelion.org/notici...
Assunto: Muito bom este facto histórico feito pelo Galeguismo.
Sou galego tenho metade da minha vida vivido fora da Galiza. Devido à minha profissão tenho estado na Argentina, Brasil, Alemanha, Inglaterra, Japão e agora estou em Portugal.
Isto dá-me uma visão diferente sobre a situação da Galiza. A maioria dos portugueses e galegos quase desconhecem que são o mesmo povo e que antes da colonização da Galiza pelos castelhanos tivemos um passado comum com sete séculos falando e escrevendo a mesma língua o galego/português.
Para um galego como eu que vive no exterior é humilhante saber que não temos o direito de escrever o nosso idioma na ortografia actual e ainda ver a RAG a fabricar uma outra escrita para nos isolar do mundo dos irmãos da fala. Depois de sofremos tantos séculos de opressão e humilhação cultural e económica com a colonização castelhana o mínimo que os galegos mereciam era recuperar o atraso e deixarem-nos escrever o nosso idioma actualizado na norma ortográfica do galego/português. Temos uma das línguas mais faladas do mundo. Inventar regras ortográficas quando já as temos solidificadas e de extrema utilidade só pode ter o objectivo de destruir a cultura galega e isolar-nos. A escrita deve ser um meio para comunicarmos e não para separar povos com a mesma origem como pretende a RAG. Por isso concordo e apoio o Senhor Galeguismo e reafirmo:
Acabe com as enfermidades do nosso idioma resultantes da colonização castelhana. Escreva puro galego do século XXI com a norma ortográfica do português actual.
ecoe:
O texto da ligazón que pos non resiste calquera análise histórico medianamente serio. "El tibet no fue invadido porque el tibet siempre fue china..." ja!
O propio réxime chinés recoñece que reclama China porque unha filla do emperador de China casou co rei do Tibet. As raíñas consorte adoitan ser iso, raíñas consorte. É coma se Grecia reclamase España porque Sofía casou con Juan Carlos.
Dame medo a xustificación dalgúns do réxime fascista chnés, porque claro, se a represión a exerce un país de esquerdas (supostamente) está moi ben, e os que se opoñen son uns feixistas, non si?
Xa que logo, para vos que os polacos resistisen á URSS cando esta invadiu Poloña é de feixistas.
baltar69:
Prefiro mil veces a monarquía obsoleta actual que un réxime á chinesa. Aquí é certo que non hai total liberdade, pero é que na China non hai ningunha, comezando con que nin tan sequera podes ter tódolos fillos que queiras.
Bexing?! Que caralho é isso? Que eu saiba sempre se dixo Pequin... Moito gostais de inventar palabras novas!
http://gl.wikipedia.org/wiki/B...
Galeguizar diría eu.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto