Vieiros

A erosión do poder case inamobíbel do que o PP parecía gozar na provincia de Ourense acendeu a alarma nos cuarteis populares. O presidente provincial do PPdeG, Xosé Luís Baltar, non dubidou en cualificar o acontecido de "derrota sen paliativos", ao considerar que malia seren a forza máis votada na circunscrición, resultaría un fracaso perder os tres deputados que conseguiran hai catro anos.

Baltar recoñeceu especialmente a súa sorpresa pola viraxe no voto na propia cidade das Burgas, onde o PP deixa de ser a forza máis votada en beneficio do PSOE. Así e todo, chamou a esperar ao voto emigrante, que na súa opinión pode modificar os resultados, aínda que admitiu que esa modificación en ningún caso parece ir valerlles aos populares a volta do escano perdido.

O barón provincial do PP recoñece "preocupante" para o seu partido a tendencia que indican as urnas. "O que baixaron outros antes, veunos chegando agora a nós", analizou en referencia á resistencia que parecía manter o PP ourensán fronte aos acusados descensos que sufría noutras zonas.