Edición xeral
'Pola laicidade do Estado'
O Seminario Galego de Educación para a Paz, EsCULcA, Xusticia e Sociedade e a Coordinadora de Crentes Galegos presentaron este venres un documento de cara ás eleccións xerais.
Participantes na presentación do manifesto, este venres
Manuel Dios, do Seminario Galego de Educación para a Paz-Fundación Cultura de Paz; Elvira Souto, do Observatório para a defensa dos direitos e liberdades (EsCULcA); Agustín Bueno, da Coordinadora de Crentes Galegos; e mais Miguel Anxo Fernández, da asociación Xusticia e Sociedade, presentaron este venres en Compostela o Manifesto pola laicidade do Estado Español.
"As persoas e organizacións da sociedade civil, abaixo asinantes, queremos trasladar ás distintas forzas políticas que concorren ás eleccións xerais do vindeiro 9 de marzo, e ao conxunto da cidadanía, esta iniciativa que pretende avanzar cara a un auténtico Estado non confesional, laico, homologábel a todos os efectos cos países da Unión Europea da que formamos parte, tal e como estabelece -de xeito explícito- a Constitución Española de 1.978.", afirman no manifesto.
Afirman, ademais, que a laicidade se "fai hoxe absolutamente necesaria para evitar as condutas progresivamente invasivas da actual Conferencia Episcopal española en relación cos nosos dereitos constitucionais como cidadáns e cidadás laicas".
Criticas á Conferencia Episcopal
Neste senso, poñen como exemplo: "a actitude abertamente política e militante da Conferencia Episcopal"; "o uso e o abuso da chamada 'declaración eclesiástica de idoneidade' para ensinar a relixión católica nos centros escolares públicos e concertados".
Tamén, "a representación relixiosa nos distintos actos oficiais, particularmente, nos funerais de estado polo rito católico, (...) ou nas ofrendas ante o señor Santiago, na catedral de Compostela"; "o privilexio de trato que a Igrexa Católica recibe por parte do Estado nas cuestións económicas e impositivas", e "a utilización dos espazos públicos con finalidades fraudulentamente relixiosas, tal e como ocorreu na recente concentración en defensa da familia católica".
Documentos
Comentarios (4)
Pues conmigo que no cuenten. Estado aconfesional sí. Laico, no. Y mucho menos en el sentido en el que lo entienden estos tipos que quieren que todos los españoles seamos de izquierdas, como ellos. Pues lo tienen claro...
Sectario Gaviotero, nom entendes nada..U e que se di que quere que tudos os cidadans sejam de esquerdas?? Logo acreditas que ser catolico e ser de direitas?? Nom sera tam sectario o sr Gaviotero...Trata-se da democracia Seaguller, ninguem che tira de ser ultradireitista ou ultraliberal nem monolingue espanhol, nem galliguinio-espanholeiro, nem manter as tuas opinions no entanto nom sejam ofensivas nem violentas cara a integridade fisica e moral dessas pessoas -falo de pessoas nom de simbolos- (tem graza que lhe faiga esta pergunta a quem por "hobby" insulta ao ar por se passa algum esquerdista/galeguista/vermelho/seareiro da teologia da libertazom/seareiro da da Palavra de Jesus/humanista polo caminho e ver se lhe bate...O sr Gaviotero e a antitese do cristiano..o cal por desgraza vem ser denominador comum de certo cristianismo e das suas "elites" (outra contradiccom em si proprio)..Se Jesus soubera de tudo isto...
Estado laico Si. Ademais pídeo "Dios" (Manuel Dios), e o que "Dios" pide, vai a misa.
Gaviotero, xa me dirás ti como un Estado é aconfesional e non é laico, ou sexa, está formado por sacerdotes aconfesionais. Así que non contamos contigo, sacerdote aconfesional (o contrario de Jimenez Losantos que é ateo pero confesional. Está co que diga a Conferencia Episcopal)
Se non nos gusta que gobernen os relixiosos nos países árabes, tampouco nos debe gustar que a Igrexa católica ou doutras seitas cristiás (como a de Bush) meta os narices nos gobernos occidentais.
Voulle dar a volta ó argumento de gaviotero. Ninguén quere que tódolos cidadáns sexan de esquerdas, pero igual que ti non queres que che fagan de esquerdas, eu non quero que a conferencia episcopal esté metida en temas de estado. Quen quera ir a misa que vaia (e todos debemos respetar esa decisión), igual que se eu quero ir de pubs, quero que me respeten. E despois, a min que non me obliguen a ir a misa, e a ti que non che obliguen a ir de pubs, e tan tranquilos os dous.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto