Vieiros

Existe desde hai tempo unha versión galega do buscador Google pero o dominio Google.es/Gl e o identificativo de "España" que aparecía na web non contentaba a todo o mundo. Esta dependencia do punto 'es' xa levara aos cataláns a crear un enderezo propio para a versión catalana do procurador, GoogleCat.com, e agora un galego vén de facer o propio con GoogleGZ. O creador, Roi Taboada, rexistrou GoogleGz.tk e asegura que pronto terá un punto com. Na nova versión, que utiliza o mesmo motor que o Google de sempre, os textos están en galego e a novidade é que nas ferramentas de selección de lingua Galiza figura na listaxe de países.